ՈՒԽՏԱԳՆԱՑՈՒԹԻՒՆ ՍՈՒՐԲ ՄԱԿԱՐԱՅ ՎԱՆՔ

Հաճոյքն ունինք տեղեկացնելու մեր համայնքի անդամներուն, թէ Երեսփոխանական Գրասենեակի եւ Ազգային Առաջնորդարանի միացեալ կազմակերպութեամբ, Կիրակի 19 Մայիս 2013ին, տեղի պիտի ունենայ ուխտագնացութիւն դէպի Ս.Մակարայ Վանք։ 

Այս ուխտագնացութիւնը կը վայելէ Կիպրոսի Միացեալ Ազգերու Կազմակերպութեան (UNFICYP) հսկողութիւնը։

Կը խնդրուի բոլոր անոնցմէ, որոնք կը փափաքին մասնակցիլ այս ուխտագնացութեան, արձանագրուիլ Երեսփոխանական Գրասենեակի մօտ հեռաձայնելով 22-454540 թիւին, փոխանցելով հետեւեալ մանրամասնութիւնները.-

• Անուն/Մականուն, ծննդեան թուական եւ վայր
• Եւրոպական I.D.ի թիւ կամ ի զօրու անցագիրի (passport) թիւ
• Քաղաքացիութիւն

Մասնակցութեան սակ‎՝ €12.00

Կը խնդրուի հեռաձայնով փոխանցուած եւրոպական I.D.ին կամ անցագիրը (passport) անպայմանօրէն ձեր հետ ունենալ ուխտագնացութեան օրը։

Հանրակառքի սպասարկութիւն եւ մեկնում Նիկոսիոյ Ազգային Առաջնորդարանէն կ.ա. ժամը ճիշդ 11.00ին։

Արձանագրութեան վերջին օր՝ Երկուշաբթի 13 Մայիս 2013

Երեսփոխանական Գրասենեակ